Դատախազությունը Սանասարյանի գործի մասին

Գլխավոր դատախազությունը որոշել է, որ Պետական վերահսկողական ծառայության (ՊՎԾ) պետ Դավիթ Սանասարյանի գործը Ազգային անվտանգության ծառայությունից (ԱԱԾ) այլ քննչական ծառայություն տեղափոխելու հիմքեր առկա չկան, և նախաքննությունը կիրականացվի ԱԱԾ-ի կողմից։ Այս մասին Tert.am-ին հայտնեց գլխավոր դատախազության հանրային կապերի բաժնի պետ Արևիկ Խաչատրյանը։

«Նախաքննության օրինականության նկատմամբ հսկողություն իրականացնող դատախազի կողմից օրենքով սահմանված ժամկետներում քննարկվել է Դավիթ Սանասարյանի պաշտպանների միջնորդությունը, որի արդյունքում կայացված որոշումը սահմանված կարգով ուղարկվել է կողմերին: Քրեական գործով քննչական ենթակայություն փոխելու հիմքեր առկա չեն, և նախաքննությունը կիրականացվի Ազգային անվտանգության ծառայության (ԱԱԾ) քննչական դեպարտամենտի կողմից», - ասաց Արևիկ Խաչատրյանը:

Հիշեցնենք, որ պաշտպանական կողմը միջնորդությամբ դիմել էր դատախազություն՝ խնդրելով գործն ԱԱԾ-ից տեղափոխել այլ քննչական ծառայություն։

Այս թեմայով

Լրահոս
Ամենաընթերցվածները
Մամուլի տեսություն