Երևան, 14.07.2020, 06:09,
Փառք ու պատիվ մեր բանակին, մեր երկրի Գերագույն Գլխավոր Հրամանատարին՝ որ կարողացան փշրել Ալիեւի ծնոտը«Մեր զինծառայողները շատ հմտորեն են ցավացրել ադրբեջանցի զինծառայողներին». Շուշան ՍտեփանյանՀարիր չէ եւ մեր պետական շահին դեմ է ձեր որդեգրած մոտեցումները. Տեր ԶարեհԲրազիլիայում վերացվել է հանրային վայրերում դիմակ դնելու պարտադիր բաղադրիչըԳաղափարախոսությո ՞ւնն է հաղթելու մեծ պայքարում, թե ՞ կապիտալը. ԱԶԱՏ ԽՈՍՔ հաղորդաշարի տաղավարում վերլուծաբան Կարինե Հակոբյանն է.IRAVUNK.TVՃՈ-ն տեղեկացնում էԱԱԾ-ն գաղտնալսել է փաստաբանի և իր վստահորդի հեռախոսային խոսակցությունըА. Бабуханян: «Для нас антироссийские действия Пашиняна не являются неожиданностью».IRAVUNK.com«Որ իմանաք՝ ինչ մարդկանց տներ են խուզարկում, կթուլանաք ծիծաղից». Գևորգ Պետրոսյան«Հրայր Թովմասյանը փրփուրներից է կախվում»․ Ալեն Սիմոնյան

«Արցախում իշխանության կգան մարդիկ, որոնց պատկերացումներն այլ կլինեն ռազմական էլիտայի պատկերացումներից». Նորայր Նորիկյան

Փաստաբան Նորայր Նորիկյանը ֆեյսբուքյան իր էջում գրել է․ «Ո՞Վ ԿՀԱՂԹԻ ԱՐՑԱԽԻ ՆԱԽԱԳԱՀԱԿԱՆ ԸՆՏՐՈՒԹՅՈՒՆՆԵՐՈՒՄ, ԵՎ Ի՞ՆՉ ՌԱԶՄԱՔԱՂԱՔԱԿԱՆ ԷԼԻՏԱ ԿՁԵՎԱՎՈՐՎԻ ԱՅՆՏԵՂ․
     Մարտի 31-ին Արցախում տեղի են ունենալու նախագահական ընտրություններ: Այս ընտրություններն իրենց բովանդակությամբ ու առանձնահատկությամբ տարբերվում են Արցախում կայացած նախորդ նախագահական ընտրություններից՝ հետևյալ չորս պատճառներով.
     1. Լրանում է գործող նախագահ Բակո Սահակյանի պաշտոնավարման ժամկետը, և նա հեռանում է, ինչը նշանակում է, որ ցանկացած արդյունքի դեպքում Արցախում ձևավորվելու է սկբունքորեն քաղաքական նոր էլիտա:
     2. 2018թ. Հայաստանում տեղի ունեցած գլոբալ քաղաքական փոփոխություններն իրենց ազդեցությունն են ունեցել նաև Արցախի հասարակական-քաղաքական տրամադրությունների վրա, որի արդյունքում Արցախում ֆորմալ առումով ապահովված է մրցակցային ընտրություններ անցկացնելու հնարավորությունը, և այս պահին ընտրությունների ելքը կանխորոշված չէ ակնհայտ ֆավորիտ չլինելու պատճառով:
     3. Ընտրությունների ելքը կանխորոշվելու է ժողովրդի կամաարտահայտության արդյունքում, և Արցախի հաջորդ նախագահն օժտված է լինելու լեգետիմության բարձր մակարդակով՝ ձերբազատված լինելով որևէ մեկի դրածո լինելու խարանը կրելուց:
     4. Արցախում 2017թ. փետրվարի 20-ին տեղի ունեցած սահմանադրական փոփոխություններից հետո նախագահական ինստիտուտն էապես ուժեղացել է, և նորընտիր նախագահն օժտված է լինելու առավել ազդեցիկ ու լայն լիազորություններով:

Մի առիթով նշել էի, որ Հայաստանի և Արցախի ռազմաքաղաքական էլիտաների պատկերացումները մի շարք առանցքային և համազգային նշանակություն ունեցող հարցերի վերաբերյալ էապես տարբեր են:
     Նրանք տարբեր պատկերացում ունեն պատերազմի և խաղաղության մասին, Արցախի հակամարտության կարգավորման հնարավորությունների և հեռանկարների, ինչպես նաև տարածաշրջանում Հայաստանի ռազմաքաղաքական դասավորվածության ու դերի վերաբերյալ:
     Եվ այդ տարբերությունը բնական է: Հայաստանում իշխանության է եկել մի վերնախավ, որն օբյեկտիվորեն չի մասնակցել Արցախյան պատերազմին:
     Այդ վերնախավի հիմքում կանգնած չէ զինվորական էլիտան, և այդ վերնախավն ունի իր ուրույն պատկերացումները իշխանության, հասարակության, պետության, ինչպես նաև բանակի մասին:
     Ճիշտ հակառակ պատկերն է Արցախում: Արցախի ռազմաքաղաքական էլիտան հիմնականում անցել է պատերազմի միջով:
     Այդ էլիտայի կորիզը կազմում են մարտական գեներալները, ովքեր պատերազմի ժամանակ վճռորոշ դերակատարություն են ունեցել պատերազմի հաղթական արդյունքի արձանագրման գործում:
     Այդ գեներալներից ոմանք ներկայումս շարունակում են ազդեցիկ դերակատարություն ունենալ Արցախի քաղաքական գործընթացներում:
     Թե ինչպիսի ընտրություն կանեն Արցախի մեր հայրենակիցները, պարզ կլինի ընտրություններից հետո:
     Այդուհանդերձ, էական նշանակություն է ունենալու այն հանգամանքը, թե արդյո՞ք առաջիկա տարիների ընթացքում զինվորական էլիտան կշարունակի վճռորոշ դերակատարություն ունենալ Արցախի կառավարման գործընթացում, թե՞, այնուամենայնիվ, Արցախում իշխանության կգան մարդիկ, որոնց պատկերացումներն այլ կլինեն և կտարբերվեն ռազմական էլիտայի պատկերացումներից: Կապրե՛նք, կտեսնենք:

Սրանով հանդերձ, հարկ եմ համարում մեկ անգամ ևս արձանագրել որ Արցախում կայանալիք նախագահական ընտրությունները մեր բոլորիս արժանապատվության, պատվախնդրության և միջազգային հեղինակության պահպանման փորձությունն է և մենք պարտավոր ենք այն պատվով հաղթահարել:
     Այս հարցում մենք սայթաքելու և սխալվելու իրավունք չունենք»:

Այս թեմայով

Լրահոս
Ամենաընթերցվածները
Մամուլի տեսություն